بورتلاند اوريجون - خبرتي بالمدينه والله يحي اي احد عنده استفسار

طيب معليش كم اسعار السكن هناك وكيف المعيشه !! وكيف طاقم التدريس !!
معليش على كثرة الاسئله والله يجزااك خير

المنطقة اللي انا فيها والمنطقه اللي حول فرع سلڤينيا ممكن تحصلين شقه غرفتين وصاله ودورتين مياه وبلكونه ومطبخ بحدود $1200 الى $1400. هالسعر ممتاز جداً بما انه بيكون مقسم بينك وبين روميتك او الشخص اللي جاي معك. والكهرب ممكن يوصل $70 بالشهر.

الأكل والمعيشة تختلف من شخص لثاني، عمومًا بحدود $200 تقريبًا، ويزيد مع زياد الرفاهيه (من تقهوي ومطاعم ).

حسب ماشفت الى الحين كل طاقم التدريس نساء، وهالشيء مفيد حسب ماسمعت من طلاب المعهد مافيه أحد يتشكى او يعترض على طرق تدريسهم. يحرصون على الواجبات والتفاعل بين الطلاب بحيث انه مايكون ممل الكلاس.

بالتوفيق وحاضر ان شاء الله باللي اقدر عليه.

الله يجزااك خيرر ويسهلك امرك طيب المدارس هناك كيف مدارس الثانوي!! وسؤال ثاني بعد الكلاس كم فيه شخص والبنات هناك كثير اولا وكيف الحجاب منقبات عادي!!!!

المدارس ماعندي خبر والله بالذات الثانوي، لكن امرها سهل اقدر اسأل احد واشوف اذا عنده خبر.
البنات كثير بالمعهد والحجاب شي عادي جدًا مايستغربونه بالمعهد ولا الشوارع، النقاب قليل جدًا لانه يجذب الانتباه، لكن مافيه مشكله ولا يجي مضايقات حسب ما اشوف.

خلاص اذا تقدر تشوف لي اي احد المدارس كيف وضعها الله يعافيك !!الشي نظام المعهد كيف الاترام والمستويات !!

ان شاء الله اسأل اللي حولي وارد اذا عرفت شي جديد عن المدارس.

المعهد نظام كوارترز، كل كوارتر (ترم مدته ١٢ اسبوع مع اختبارات الفاينل). المستويات من الأول الى الثامن كالتالي:

الأول والثاني والثالث مدموجه مع بعض، تعطى بفرع الكاسكيد فقط.
من الرابع الى الثامن كل مستوى بكوارتر، السنه فيها ٤ اترام.
في بداية كل ترم تقدر تختبر اختبار تحديد مستوى، أحيانًا بعد ممارسة اللغة يتطور مستواك بسرعه، هالاختبار يمكّنك من انك تتعدى مستوى او اثنين احيانًا، يعني بعد الرابع لو تطور مستواك واختبرت ممكن ينقلونك للسادس علطول او السابع انت واحتهادك.

احد يقدر يعطيني الرابط حق معهدpcc للتسجيل بس ابي اتاكد!! بعدين ممكن سوال اللحين اسجل وكذا بعدين اطلب الضمان واذا جاني اكمل التسجيل !! ولا اطلب الضمان قبل كل شي!! يارب تردون علي

تفضل هذا رابط التسجيل
https://www.pcc.edu/iapp/international.html
طبعا مافي الا تسجيل في الفصل الخريف

يفضل اولا طلب ضمان مالي باسم المعهد
لكن بما انك لم تطلب ضمان مالي يفضل الاسراع بالتسجيل في المعهد قبل اغلاق التسجيل في الفصل القادم وهو الاخير
بعدها ارسل بطلب ضمان مالي باسم المعهد من قائمة المعاهد المدرجة
راح يوصلك الضمان خلال 48 ساعة

ليش متى يقفل التسجيل انا حاولت ادور عالمواعيد لقيت ان في الخريف يبدا الدراسه بسبتمبر!! اولا

الله يوفق الجميع